قصة اعتزال ماجد العتيبي الملقب >>>>بوبو

السلام عليكم ورحمة الله وبركاته

بسم الله الرحمن الرحيم و الحمدلله والصلاة والسلام على رسول الله وعلى آله وصحبه أجمعين اما بعد:

يعتبر الطارة العالمي الكبير الجماهيري (( ماجد بن بدر العتيبي ))) الملقب بـــــــ ((( بوبو ))

اشهر مفحط في تاريخ التفحيط العالمي

فهو يمتلك احتراف رائع في قيادة السيارة وعزف سيمفونية الابداع والفن في هذه الهوايه الخطيرة

المروعة التي دمرت حياة الكثير من ابنائنا الشباب وهم في مستقبل العمر ناهيك عن الاصابات

والاعاقات المستديمه

لكن ولد عمنا الشاب ماجد العتيبي .... بــــوبـــو .... كان يعرف كيف يروض السيارة والطارة

ويجعل الشوارع ترقص مع صرير العجلات والجماهير تصفق اعجابا بذلك الابداع
وبالفعل نال ... بــــوبــــو .... الشهرة الكبيرة

حتى الاجانب المقيمين في الرياض اعجبوا بهذا الشاب الاسطورة

وهو يفحط في احد شوارع الرياض

وقالوا " انهم لم يروا في حياتهم احدا يستطيع ان يفعل مثله بالسيارة في بلادهم :

واصبح مطلب اساسي لدى الشباب في التفحيط

حتى لقب بــــ ((( ملك التفحيط وتاج الطارة )))


طبعا الكل يعرف بوبو ( المفحط الاول بالسعوديه)

اول شي طبعا كانت اخر خش لبوبو يوم كان على السوناتا البيضا يوم كان كاتب هجوله لرضاكم يامن وحشناكم

كانت هذي الخش رسميه موكب قوه قوه قوه لكن بعد اسبوع او كثر خش بوبو على سياره أنترا هونداي

وكانت خش غير رسميه يعني مااحد يعرف انه خاش يعني قليل الي يطردون بوبو كان خاش شارع بغداد

في حي السويدي الغربي في وسط حاره طبعا كان شاد العزم فجأه طلع عليه ولد طفل صغير فقبعه وطيره

بعدين بوبو وقف وخذ الولد وركبه روكب اللوحات بعدين ود الولد مستشفى سلمان وسلم بوبو نفسه

لمروور الغرب وسجنوه بعدين قالو ان الولد مات او تكسر ماني متاكد بعدين جاء ابو الولد ودخل قسم الشرطه

بوبو يقول اني كنت احسب ابو الولد بقتلني خلاص تصورررررررررررو وش قال ابو الولد ......

قال لبوبو عساالله يهديك وتترك التفحيط ...........................................الخ المهم نصايح

بعدها بوبو عقل وبعدين بكم اسبوع او اكثر تتطوع بوبو الطاره الكلام منقول من واحد حاضرالخشه

لكن بنسبه للولد ماادري هو مات او تكسر الله اوعلم والله يوفقه في دينه ودنياه ويثبته على دينه

واسم ابو الولد فنجان الشيباني على مااظن واتمنا ان الكلام يكون صحيح امين لكن بوبو متطوع

ميه بلميه انا اعرف واحد جلس معه في بيتهم والله يهدي من يشاء

وبالاخير بوبو كتب على السوناتا البيضا تـوبـو بدل لكلمه بوبو